放工或週末嚟場輕鬆嘅野餐真係非常治癒，尤其秋天嘅天氣更加適合野餐，一個風景怡人嘅地方，加埋一份精心設計嘅野餐餐盒，就可以同三五知己、情侶或者一家人共度美好時光。香港有好多適合野餐好去處，適合唔同人嘅要求，例如大埔嘅吐露港海濱公園，環境寧靜舒服，海風吹來令人精神一振；又或者西貢郊野公園，既能親親大自然，又有開揚風景，非常適合一家大細出動，而西營盤嘅中山紀念公園係城市中難得嘅綠洲，港鐵西營盤站A2出口步行約5分鐘就到，啱晒快閃約會或者朋友聚會，沙田城門河畔沿岸亦係散步及野餐嘅好選擇，河水相映成趣，帶俾人輕鬆愜意嘅感覺。無論你鍾意熱鬧定靜謐，香港嘅野餐場地肯定有一個啱你口味！到時到侯野餐盒會送到你指定嘅場地，你可以盡情放鬆身心，感受自然嘅魅力。